(文章其實由 12 月打到而加，有啲記事唔同而加可能又要搵個機會改改)
前言：倫敦咁方便都養車？其實倫敦交通唔多方便而或倫敦勁大
倫敦講方便唔係，講唔方便又係，好睇你住邊番工係邊。但除去方便程度外，其實交通費都係一個主因。不論係搭個地鐵或巴士只係一兩個站又好，最低消費都係 1.5 鎊走唔甩，之後每過多一個 zone 通常加多 1.3 鎊如此類推。
 |
| 同樣 DLR 線只係出入兩個 zone 就 3£ 了 |
我諗如果你只係滿足係街口 tesco express , nisa 買野既話，又咁啱番工出入都係 zone 2 以內確實搭車搭地鐵，甚至係收部單車 / 倫敦最無敵既電動單車仲方便化算既。
講到好似要你地住番入 zone1-2，不過唔係個個人都鐘意迫掛？香港仲迫唔夠？住得外國想屋企大啲係我既諗法，通常 zone 3 開始先較多平易近人又舒適既租盤可供選擇，而且租屋都會幾多會跟埋車位比你，就算係 off street (泊街) 位唔似香港，一來幾多位，二來一個 permit 就成區任你泊都得又夠平。香港養車最大問題係兩樣：泊車同埋牌費。英國呢面係無香港人面對養車既最大兩個問題既
牌費唔難諗，只跟排放量而定，係 2017 年 4 月前既車只要低過 50g/km 排放量直頭免 road tax！無錯只需要有保險有 MOT (年檢) 就可以揸走。
我既話因為我既目標係想學埋整車做職業，咁有埋架車都幾「名正言順」，再加上租既地方係有車位，何樂而不為？
落地英國，就算我係倫敦 zone 3 附近有便利店細超市都好，其實如果屋企有車位都係有架車好好多，因為呢面屋企通常比香港既大而會一次過買既日常用品或食物都較多，我住 zone 3 為例，都會揸車去同區買餸就自然量大，車出車入極方便。而且因為去得既都係大型超市，各種貨品都係比街頭既便利店超市平，如麵包同一款街角個間賣 0.69 鎊，大超市 0.49 鎊。
倫敦其實真係好大，zone 1-6 由東至西既直徑大小已經等於香港 (同樣左至右 50km 直徑)，但倫敦九成都係平地，而香港八成係海或山，而香港就迫左 750 萬人入去，倫敦咁大就住 900 萬人 ...
有咩 tips 先？
新手落地倫敦，有幸有朋友教路，搵車 tips 就都會有下啲既！流程係：
- 上網睇車搵車 (多數係 autotrader)
- 鎖定自己心水款色用途既車種
- 網上去 quota 該車對自己既車保價格
基本上以上三件咁已經夠你忙幾個鐘去鎖定咩車款係邊區買車保大約幾多，尤其係同我一樣窮又盡量搵部代步車少野整去儲頭一年既 credit，所以我就揀日本錢七家庭車混波，最終入手價係 1300 鎊。我諗對於可以比得上 5000 鎊既會少好多野 check 同執就真既，而且年份新好多都有唔同功能，我部日本車老年份 2006 年就連藍芽車機泊車 sensor 都無，但就貪佢夠穩陣
車保係香港人到英後買車既第一難關
因為多數香港人都無本地既 credit record！上文都講過 credit 一詞，就係乜都關佢事。保險公司係你無英國既記錄之下幾乎無得計平你，所以多數第一年就算你買到好多我呢類二手腳車都好，保費都貴過部車係正常。係呀，我保險仲只係第三保，以計 10 個月既 boost NCB 計劃，非 blackbox 加埋大銀幕保險都 1400 鎊，呢個價就係一開始我買呢架車用國際牌去買個時既價。
基本上係 Autotrader 上睇既每一部車都會有個 comparethemarket 既大約保費可即時參考。話明參考，好多因素影響既。撳到入去 detail listout 保險又有好多唔同既事項要留意。
以上成張圖好多資訊同經驗之談，真係要開多篇去講先得，敬請期待。
只係有件事要先提一下：Blackbox / littlebox 保真心唔建議，你係英國買既第一份車保都野野比人 mon 住，仲要對方可以用呢啲 record 去 judge 你既駕駛態度去扣你保險評分只會搞到第二年保費上升而唔係下降，我自己唔會慳呢啲錢。
 |
| 當年試下揀部港人最愛既 type R 結果保費同部家庭車差唔多價.... |
我個諗法係：人生路不熟不如揀部平既試左先，英國平車十居其九都係棍波，自己又有興趣玩棍波之下，不如玩下啦，而且整車特別平。
鎖定咩車款同大約知道保險價格後流程係：
- 約去睇車
- 清楚留意架車既暗病
- 唔掂就下一架
- 得既就落訂
- 對方寫張紙話買賣雙方資料聯絡方法同簽名影相作證
- 網上做好晒保險及路稅手續
- 揸得走
範圍都幾廣，盡量會逐點去講；
先講搵車
autotrader 好用，係因為可以比你 set 定唔同區域去搵。我多數係入完個一區 post code 再將 distance 限係 10/15 miles 以內，再睇中邊一架車，再以個架車既位置 search 多次限係個區 5 miles 左右去搵埋其他心水出黎。
我自己就係咁約睇車，方便慳時間，至少三四個盤一區咁睇慳時間，因為睇車無可能第一部就完全 fit 晒要求或達到最低標準既
現場睇車，發現唔對路就走
帶定支勁啲啲既電筒去，電話電筒唔多夠力，埋去 say 個 hello my friend (多數二手車 dealer 都係個啲人，明就明啦) 傾一下就埋牙 check 車，幾乎乜都唔洗做先睇下個車底，如果泊爛地就麻煩啲但都煩請你用電筒照睇一下車底。漏油漏水一定係底下見到，見到有滴油滴水唔洗繼續睇可以去下一部。
 |
| 奶油蓋，絕對唔係好事，走得下一部 (圖由 Youtuber ChrisFix) |
 |
| 呢粒眼仔，多數車電正常又夠電壓同係顯示綠色。(圖由 Youtuber Retsetman) |
第三個環節：內籠
之後試車都係個幾味野：
有無怪聲，一部車正常係唔會行緊有啲怪聲，有既 bearing 就快打柴又係額外維修費。入波有怪聲又係波箱就快柴，踩下油上到 3000-4000 轉以上又係有怪聲，最怕係啲幾響既 tick tick 聲，偈就快柴
